A-laget trenar i romjula. Trening 2.juledag og 4.juledag(26.des og 28.des) kl.13.30.

I ein jamn kamp som kunne bikka begge vegar, vart det til slutt Selje som trekte det lengste strået i siste kampen i vinterserien for i år. I flotte speleforhold i flomlyset på Selje Idrettspark, kunne publikum og spelarar juble for tre nye poeng etter 5-3 mot Tornado Måløy. Stillinga ved pause var 2-1 til heimelaget. 

Juniorane gjennomførte ein god kamp og stod løpet heilt ut i kveld. Og endeleg hadde laget litt "tur" og fekk utteljing på sjansane. Akkurat det har dessverre mangla i dei tre fyrste kampane. Selje sine juniorar har vist at dei har vore på høgde med dei andre laga og kunne med betre utteljing, fort vore med og kjempa heilt i toppen av tabellen også i år. Kjekt var det uansett å avslutte serien med to sigrar. 

Vi takkar Ola (trenar) og Anne-Britt (oppmann) for god jobb med juniorlaget i vinterserien.

Kampfakta:

1-0    Anders D. Rekdal

1-1

2-1    Aleksander Kvernevik

3-1    Ole Andreas Solheim

3-2

4-2    Anders D. Rekdal

4-3

5-3    Endre Kupen

Seljes lag: Aleksander Hovdevik, Sindre Jørgensen, Martin Hove, Ole Andreas Årvik, Asbjørn Losnegard, Ole Andreas Solheim, Kennet Honningsvåg, Joachim Refvik, Aleksander Kvernevik, Endre Kupen, Anders D. Rekdal.             Innbyttar: Frank Robert Åhjem

Dommar: Rune Haugland, Haugen 

Det blir sal og henting av bestilte juletre v/ Selje stadion: FREDAG 14.12 FRÅ KL.18.00....... OG LØRDAG 15.12 FRÅ KL.10.30......                                eller etter avtale tlf. 90764398 / 41043639.

Takk for at du støttar Selje IL ved å kjøpe juletre! 

JULETRE

Bestilling av juletre frå Selje Idrettslag

God kvalitet, vanleg norsk gran og Nordmanns edelgran!

* Vanleg norsk gran kr.250,-

* Nordmannsgran (edelgran) kr.400,-

Kontakt:

Geir Johnny Rye (tlf 90764398 ) / John Helge Andersen (tlf.41043639)

Selje Idrettslag held ekstraordinært årsmøte torsdag 13.desember, kl.19.00 på Selje skule. Sak: Klubbhus....., les meir under....

EKSTRAORDINÆRT ÅRSMØTE SELJE IL

Tid: torsdag 13.desember kl.19.00

Stad: Selje skule

Sak: Klubbhus

Selje IL inviterer medlemmar i laget til ekstraordinært årsmøte. På årsmøtet blir det gjeve orientering om arbeidet som har vore gjort fram til no, bruksplan for eksisterande bygg, presentert framlegg til teikningar for evt. tilbygg/byggesteg 2, finansiering, lån, tippemidlar m.m.

Årsmøtet skal ta stilling til kjøp av Centrum Eiendom, der klubbhuset til Selje IL er tenkt skal bli. Idrettslaget har som kjent svært stort behov for eit servicebygg som kan romme m.a.: forsamlingslokale, kontor, lager, garasje, toalett, kiosk, garderober osv. "Blåhuset" ligg perfekt til i høve Selje Idrettspark. Eit klubbhus som kan romme fleire funksjonar som klubben har sterkt behov for, vil vere ei flott "gåve" i høve 70-årsjubileet, og vere med å utvikle det aktive idrettslaget vidare.

Selje IL oppmodar medlemmane om å komme på årsmøtet. VEL MØTT!

Selje Idrettslag fylte 70 år 31.oktober, og det har utan tvil vore eit flott jubileumsår! På Selje IL sin årsfest i helga var det mange som fekk heider og ære. Gaute Otnes vart m.a. kåra til årets spelar...... Les meir under...

(©Stig Høynes, www.haugenfotball.no)

Selje IL arrangerte årsfest på Selje Hotel sist laurdag for seniorspelarar, tillitsvalde og andre medlemmer. Folk kosa seg med program, premieutdeling, julemat og dans.........

Det vart ei vellukka avslutning på ein flott sesong som har gitt klubben mykje heider.....med kretsmesterskap i 4.div. og opprykk til Firdaligaen som høgdepunkt. 

På Selje sitt A-lag i 4.div. er desse prisane delt ut i 2007:

Årets spelar: Gaute Otnes

Årets heimespelar: Endre Kupen

Årets målkonge: Endre Kupen

Flest treningar: Kristoffer Hove

Espen Nøstdal: statuett for 250 obligatoriske kampar for Selje IL.

Ellers har det vore mykje å gle seg over i 2007. Vi nemner bl.a:

* Stor aktivitet også i år med allidrett, mange lag i aldersfastlagde klasser, lag senior herrar 4.div. og 6.div.

* Seljecup 2007: igjen ny deltakarrekord, med 148 lag og over 1200 spelarar!

* Tine Fotballskule: ny deltakarrekord med nesten 130 deltakarar!

* Juniorlaget vart nr. 2 vinterserien 2006/07

* 3 lag kvalifiserte seg til innandørs-KM: gutar – jenter – småjenter

* Guttelaget G15/16: nr. 2 innandørs-KM i mars 

* Seljecup: Jentelaget J15/16 vart nr. 1

* Sparebank Vest cup: Guttelaget G15/16 vart nr. 1

* Jentelaget J15/16 vann si avdeling i serien, og spelte seg fram til KM-finalar i 7-ar.

* Selje IL vart nr. 3 i dugleiksmerke-konkuransen i 2007 (83 merke: minimerke og teknikkmerke)

* John Helge Andersen tildelt Sogn og Fjordane Fotballkrets sin blå diplom for mangeårig innsats for Selje IL, Fotball.

Vi har gleda av å invitere til årsfest for allidrett (2.-5.kl) og aldersfastlagde lag (6.-10.kl) på onsdag 28.november.

Meir info., les under.......

ÅRSFEST 2007

for allidrett og aldersfastlagde lag

onsdag 28.november på Selje skule

Selje Idrettslag inviterer alle deltakarar, trenarar, oppmenn, dommarar, foreldre og andre til hyggeleg sesongavslutning:

Kl.17.00-ca.18.30 Allidrett 

(2. - 5.klasse.)

   kos –00, miniknøtt –99, minijenter –97/98                           og minigutar –97/98

Kl.19.00-ca.20.30 Aldersfastlagde lag (6. - 10.klasse)

lillegutar, lillejenter, smågutar, småjenter, jenter og gutar

· Premieutdeling

· Mat (gratis pølse og brus, kaffi/kaker)

· Div. programinnslag

Vel møtt!

Helsing Selje IL

Fotballgruppa og Barne-/Ungdomsgruppa

Vi har gleda av å invitere til årsfest laurdag 1.desember i Sunnivasalen/Selje Hotel. Bindande påmelding snarast og seinast innan 25.november.

Meir info., les under.....

ÅRSFEST 2007

SELJE IDRETTSLAG

Sunnivasalen/Selje Hotel

laurdag 1. desember kl. 18.30

Vi inviterer med dette trenarar og oppmenn alle lag, tillitsvalde, spelarar 4.div. og 6.div., og alle andre medlemmar i Selje IL til årsfest:

· Premieutdeling og div. program

· Julemat og kaffi/dessert

· Dans m/trubadur Ronny Fløholm

· Pris kr. 350,- pr. pers.

Aldersgrense etter kl.22.00: 18 år

Seniorspelarar under 18 år har høve til å delta på premieutdeling og div. program. Evt. middag kr. 295,-.

Begrensa antal plassar…………..........

Bindande påmelding seinast innan 25.november til:

tlf.47861892 eller mail: ninarefvik@hotmail.com

Velkommen til hyggeleg sesongavslutning!

                                                                           Arr: Selje IL, Fotball

                               (Henta frå:www.dagbladet.no)                                 

Klikk på bildet for å lese meir om den landsomfattande konkurransen; Klubben i mitt hjerte. Bruk stemma di, og stem oss fram i konkurransen. Heia Selje!

Treningstider Juniorlaget veke 45: trening mandag 5.nov. kl.18.00-19.30, trening onsdag 7.nov. kl.18.00-19.30, kamp fredag 9.nov. Stryn-Selje kl.19.00.

SFFK har i dag endra avd. 3, sjå nytt kampoppsettet under......  

I dag 31.oktober 2007 er det akkurat 70 år sidan Selje Idrettslag vart stifta. Vi gratulerer eit aktivt idrettslag med dagen!

Sist søndag vart den årlege Selje IL basaren avvikla. Vi takkar ordførar Gunn Helgesen for gode ord og helsing til jubilanten.                                     Takk også til våre tre driftige "basardamer": Karin Nordpoll, Hilde Drabløs og Linda R. Nøstdal som kunne notere seg for det beste basarresultatet nokon gong!     

Selje har meldt på eit lag i junior vinterserien også i år. Juniorspelarar f. i -89, 90, 91, 92 kan delta. Kampdag er fredag. Trenar er Ola Hove, oppmann Anne-Britt D. Rekdal.

Juniortreningane startar onsdag 31.oktober kl. 18.00-19.30

Internkamp junior fredag 2.november kl.18.00

Selje IL ynskjer, i tillegg til våre eigne spelarar, å invitere spelarar frå Stadlandet og Flatraket (viser til tidl. brev til Fotballgruppene). Vel møtt!

Selje stilte med to guttelag i Sparebank Vest Cup som vart arrangert i Nordfjordhallen på laurdag. Selje 1 vann cupen, etter seier 3-2 over TMFK 1 i ein spennande finale. Selje 2 kom på 2.plass i B-sluttspelet. Flott avslutning på sesongen for Selje sitt guttelag, som har gjort det skarpt innandørs i år, då dei i mars også kom på 2.plass i KM.

Selje sitt småjentelag kom på ein flott 2.plass på cupen, etter tap mot Syril i finalen. Dette laget hadde Selje slått i innleiande runde, men kreftene tok slutt i finalen.  

Alle resultat frå cupen, sjå: www.tmfkfotball.no

Selje sitt J15/16 lag tapte i kveld 6-2 på heimebane mot Høyang. Stillinga ved pause var 0-2. Seljejentene kjempa tappert, men Høyang vann til slutt ein fortent seier. 

Selje måtte vinne dagens kamp etter at laget på laurdag spelte 6-6 mot Jotun på bortebane, medan Høyang hadde vunne 4-3 mot Jotun i sin fyrste kamp.

Kampen var forholdsvis jamnspelt dei fyrste 20 minutta. Men Høyang festa meir og meir grepet og skapte flest sjansar. Dei kunne gå til pause med fortent 2-0 leiing.

Selje hadde også sine sjansar, men vart pressa bakpå av eit godt Høyang lag. I ein god Selje-periode, vart dessverre Susanne Vatnehol alvorleg skada i kneet. Ho vart frakta til sjukehus i ambulanse. Vi ynskjer Susanne god betring!

Seljelaget var svekka etter at Susanne måtte gå av bana, og Høyang skapte mange sjansar utover. Men Seljejentene kjempa tappert og gav aldri opp. Det resulterte i to mål, begge av Birgitte Flølo.

Selje IL-Fotball gratulerer Høyang med KM, og gratulerer Seljejentene med ein flott sesong, der laget nok ein gong har klart å spele seg fram til KM-sluttspel. Flott innsats!

Seljes lag: Marthe H. Owesen, Beate Hove, Susanne Vatnehol, Janett Kupen, Sofie Sandvik Flataker, Birgitte Flølo, Mette Riksfjord, Eirin Hatlenes, Elise Sætren, Susanne Aarsheim, Vilde L. Træet                                   (ikkje med i dag: Sonja Riksfjord og Karoline Hamre)

Kampfakta:

0-1    25min    Stine Hovland

0-2    32min    Stine Hovland

0-3    42min    Karin Marie Eldevik

1-3    48min    Birgitte Flølo (straffe)

1-4    55min    Stine Hovland

1-5    60min    Malin Fjæren

1-6    66min    Malin Fjæren

2-6    78min    Birgitte Flølo

Dommar: Jan Magne Eide

Selje sitt jenter 15/16 lag i 7-ar klassen har vunne si avdeling og spelar om KM-tittelen. Fyrste kampen vart spelt på bortebane mot Jotun på laurdag. Etter ein spennande kamp, der Selje eit kvarter før slutt leia 6-3, enda til slutt 6-6.  

Siste sluttspelkampen går på heimebane tysdag 23.okt. kl. 17.00 mot Høyang. Høyang vann sin fyrste kamp mot Jotun, og Selje må difor vinne for å stikke av med KM-tittelen. Møt fram og støtt jentene!

Selje er vinnar av årets 4.divisjon etter ei fantastisk trilleravslutning i dag! Selje måtte vinne og gjorde det til gangs. 3-0 siger på bortebane, etter 1-0 ved pause, over opprykksrival Skavøypoll er rett og slett imponerande.

Det som Selje har gjort i år, nølar vi ikkje med å fastslå, truleg er den største  prestasjon på A-lagsnivå nokonsinne.

VI GRATULERER SPELARAR, TRENARAR, STØTTEAPPARAT OG HEILE KLUBBEN MED KRETSMESTERSKAP OG OPPRYKK TIL 3.DIVISJON!

Trykk på denne linken eller bildet der finner du eit stort bildegalleri frå kampen:)

På linken under finn du bilder frå Selje Tine Fotballskule:

Bildegalleri Selje Tine Fotballskule 2007

På linken og bildet under finn du bilder frå Selje Tine Fotballskule 2007:

Bildegalleri Selje Tine Fotballskule 2007

Innsjekking fredag frå kl.16.45, i den raude klubb-brakka ved stadion. 

Info.brev til deltakarar på Selje Tine-fotballskule, les under!!!!

Velkommen som deltakar på

SELJE TINE-FOTBALLSKULE

Fredag 21. september kl.17.00 – 19.30

Laurdag 22.september    kl.11.00-15.00

Heile 135 spelarar, ganske likt fordelt på gutar og jenter, har meldt seg på Selje Tine-fotballskule. Dette er ny deltakarrekord for vår fotballskule, som i år vert arrrangert for 3.gong. Tine-fotballskule har m.a. fokus på fysisk aktivitet, sosialt fellesskap, trivsel, meistring og sunt kosthald.

Innhald:

Spelarane vert inndelte etter alder i gute- og jentegrupper. Aktivitetar og morsomme og lærerike øvingar med ball. Eige opplegg for keeperar. Fotballskulen vert avslutta med turnering.

Div. info:

· Treningskle (Kle deg etter veret!!!), leggskinn, fotballsko (evt. joggesko), drikkeflaske med vatn er bra å ha med.

· Keepergruppa tek med joggesko, i tilfelle deler av treninga vert lagt innandørs til gym.salen.

· Du kan gjerne ta med din eigen fotball – men hugs å namne den!

· Deltakingsavgift: Ta med kr. 200,- pr. spelar. Betalast ved innsjekking.

· Premiar: Tine band, t-skjorte, diplom

· Matservering inne på skulen:                        Fredag: frukt og Tine-produkt                      Laurdag: lunsj med bl.a. baguett og Tine-produkt

Vermeldingane utover veka mot helga er akkurat som det har vore heile hausten, ikkje så bra! Men så sant veret ikkje vert ekstremt dårleg, er vi innstilt på å gjennomføre fotballskulen etter planen. Dersom alle kler seg godt, skal dette gå bra uansett!

Åpen kiosk begge dagar! Vi ynskjer foreldre og andre velkomne til stadion og kose seg i lag med barna på fotballskulen.

Vi ynskjer vel møtt og håpar alle får to trivelege dagar på fotballskule!

Selje IL, Fotball         Barne-/ungdomsgruppa

Atle Solheim              Nina Refvik

(tlf. 99247687)                         (tlf. 47861892)

Følg med på vår heimeside for evt. oppdateringar og endringar: www.seljefotball.no

Selje Tine-fotballskule set ny deltakarrekord med 135 påmelde deltakarar. Heile 63 jenter og 72 gutar er påmeldt frå klubbane Selje, Stadlandet og Flatraket.

Fotballskulen vert avvikla i helga: fredag 21.september kl.17.00-19.30 og laurdag 22.september kl.11.00-15.00. 

Les under for å sjå heile påmeldingslista. Sjekk at du er registrert rett!

Selje vann 5-2 mot Årdal 2 i dag, etter 2-0 ved pause. Selje har dermed like mange poeng som Jølster, framfor avslutningsrunda neste helg. Eit av desse laga kjem til å rykke opp i 3.divisjon. Skavøypoll som vann mot Sandane, er så godt som klar for opprykk alt. 

Artikkelen er no oppdatert med bilder.

Kampen starta litt famlande frå begge lag. Ingen av laga spelte seg fram til skikkelege målsjansar det fyrste kvarteret. Selje spelte i til dels kraftig motvind i denne omgangen.

Fyrste målsjanse kom etter 15min. spel. Kristoffer Hove mottek ballen ute ved sidelinja nesten på midtbana, og sender avgarde eit langt framspel mot bakerste stolpe. Andre Kupen når høgast i duellen framfor mål, og headar bakover og inn i hjørnet. Dermed 1-0 til Selje.

To minutt seinare får Årdal 2 corner. Den innoverskrudde corneren treff ein Seljespelar, som headar bakover like over tverrliggaren.

I det 22.minutt kjem Gaute Otnes fram på kanten, og legg eit presist innlegg inni 16 meteren. Der når Endre Kupen ballen og lobbar perfekt over keeper og inni mål. Berre eit minutt seinare eit hardt Seljeskot frå 16meteren, som keeper Preben Gilleshammer gjev retur på. Andre Kupen skyt returen i keeper og til corner.

Årdal 2 får si fyrste skikkelege avslutning på mål etter 27min. Seljeforsvaret let ballen sprette og ei Årdalangripar kjem laus og skyt hardt frå 16m. Men skotet går rett på Seljekeeper Tom-Øyvind Solheim, som reddar enkelt. Resten av omgangen skjer det lite, og Selje går til pause med 2-0 leiing.

Selje startar best i 2.omgang. Berre etter 5min spel er det klart for 3-0. Andre Kupen spelar presist gjennom Årdalforsvaret, og Endre Kupen får foten på legget og flikkar ballen vidare inni hjørnet. Flott scoring. Minuttet etter snurrar Endre rundt med to forsvarar på 16 meteren. Han kjem seg laus og skyt hardt, men ballen går i beinet på keeper og til corner.

I det 56. minutt får Andre Kupen ballen på ca. 25 meter. Han tek med seg ballen inni sekstenmeteren, og avsluttar kontrollert i lengste hjørnet for keeper. Dermed 4-0 til Selje.

I denne perioden spelar Selje god angrepsfotball, og Årdal heng ikkje med. Berre tre minutt seinare, i det 59.min. blir det 5-0. Flott angrep blir trekt opp på venstresida. Endre Kupen slår eit perfekt innlegg inn framfor mål. Der står Jon-Aage Riksfjord og breisidar ballen sikkert i mål.

No trudde dei fleste at det skulle bli fleire mål. Men slik skulle det ikkje gå. Selje miste trykket og konsentrasjonen, og spelte ein dårleg siste halvtime. Nærast scoring var Endre Kupen i det 78.min. og Ole Andreas Solheim i det 79.min,  som begge hadde kvar sitt langskot som strauk tverrliggaren.

Men så var det jamnt slutt. Årdal kom på eit av sine få angrep. Seljeforsvaret markerer ikkje tett nok, og Årdal får avslutta frå kort hald framfor mål. Dermed redusering til 5-1. Som om ikkje det var nok, scora Årdal 2 i nesten siste spark på ballen. Igjen glipp det i markeringa og ein Årdalangripar kan avslutte frå 7-8 meter, og 5-2.

 Seljes lag: Tom-Øyvind Solheim, Gaute Otnes, Espen Nøstdal, Runar Nøstdal, Kristoffer Hove, Frode Nøstdal, Ole Andreas Solheim, Kennet Honningsvåg, Runar T. Aarsheim, Andre Kupen, Endre Kupen.

Benytta reservar: Jon-Aage Riksfjord, Anders D. Rekdal, Martin Hove.

Dagens Seljespelar (kåra av jury): Kennet Honningsvåg og Endre Kupen

I morgon går årets siste heimekamp av stabelen for A-laget vårt. Motstandar er Årdal 2. Kampen blir spelt kl.15.00.

Om været er dårleg, ta på regnfrakken og kom å hei oss fram til 3nye poeng!

Det vart 2-2 og poengdeling i 4.div.kampen mellom Selje og Sandane. Ved pause leia Sandane 2-0. På overtid scora Selje, men 3-2 scoringa vart annulert. Ut frå spel og sjansar hadde Selje fortent sigeren i dag...... 

Sandane kunne gå i garderoben med 2-0 leiing ved pause. Begge scoringane kom etter nølande forsvarsspel og var direkte ufortent. Det var eigentleg det Sandane hadde av store målsjansar i denne omgangen.

Selje hadde på si side 6-7 store målsjansar, men ballen ville ikkje i mål! 3 gonger vart ballen redda på strek bak Sandane sin keeper, der vi "såg" ballen i mål. Selje hadde også nokre andre feite sjansar. Bl.a. Endre Kupen som etter eit dribleraid på venstrekanten, avslutta i nettveggen på feil side av stolpen.  

0-1 kom etter 12 min. ved Vidar Apalset. 0-2 kom etter 28 min. ved samme mann.

2.omgang heldt fram som den fyrste. Selje hadde ballen mest og skapte dei fleste sjansane. Etter 55min. feilberekna Sandane sin keeper eit overlegg og ballen strauk stanga på feil side. Minuttet seinare får Selje corner. Den presisie corneren frå Endre, blir truffen i mølja framfor mål og ballen går rett utanfor stanga igjen.

Så endeleg. Eit langt framspel på Endre i det 57 minutt inni 16meteren. Ein Sandaneforsvarar dyttar Endre i ryggen, og dermed straffespark for heimelaget. Straffa blir sikkert sett i mål av Gaute Otnes.

I det 70 min. er Andre Kupen på veg i gjennom og blir takla av Sandanespelar. Andre kjem seg på beina og ballen ligg fri, men dommar har alt blåst av. Frisparket vert trilla til sides, og der knallar Endre Kupen ballen i hjørnet frå 20 meters hald. Kjempescoring!

Heimepublikum fekk no for alvor tru på ein ny heimesiger, men det var Sandane som i dei neste minutta pressa på og var farlegast. Etter 68 minutt ein gedigen sjanse til Sandane. Liggande greier Seljekeeper Tom-Øyvind Solheim å få ei hand på ballen og slå til corner.   

Etter at Sandane hadde pressa Selje over i ein periode, kom heimelaget sterkt igjen mot slutten. Endre Kupen hadde bl.a eit godt skot frå 25meter som keeper så vidt får slått til corner. Rett før slutt kom situasjonen som vart diskutert etterpå. Ballen blir slått langt mot Sandane sitt mål. I duell med keeper og Runar Nøstdal, kjem ballen fri. Frå 5 meters hald scorar Ole Andreas Solheim. Men jubelen stilna fort, for assistentdommar Kai Inge Fløde stod oppe med flagget og dommar annulerte målet for angrep på keeper i forkant av scoringa. Ei avgjerd som absolutt kan diskuterast frå vår ståstad. 

Selje fortsette på overtid å jage sigeren, men det kom berre til halvsjansar og kampen ebba ut med 2-2. Eit resultat som Sandane har mest grunn til å vere fornøgde med.

Seljes lag: Tom-Øyvind Solheim, Gaute Otnes, Espen Nøstdal, Frode Nøstdal, Martin Hove, Ole Andreas Solheim, Kenneth Honningsvåg, Runar Aarsheim, Endre Kupen, Andre Kupen, Werner Kupen.

Benytta reservar: Runar Nøstdal for Werner Kupen frå 2.omgang.

Andre reservar: Anders D. Rekdal, Henrik Aarsheim 

Dagens Seljespelar: Kenneth Honningsvåg

Dommar: Jeikishan Jegatheesan

Ass.dommarar: Kai Inge Fløde, Alf-Tore Tvendeseter

Observatør: Rune Haugland

Ingenting er avgjort i 4.divisjon endå, med to serierundar igjen. Neste søndag tek Selje i mot Årdal 2.

Det er klart for toppkamp i 4.divisjon på søndag kl.13.00, når Sandane kjem på besøk til Selje Idrettspark. Etter at Skavøypoll tapte dagens kamp mot Hornindal, kan vinnaren i denne kampen komme i rygg på serieleiaren igjen. Det er "tett som hagl" i toppen av tabellen, med Selje og Jølster på 2.plass med Sandane eit poeng bak. Vi sjåast på stadion søndag! Kom og hjelp heimelaget til nye poeng!

PS! Åheim spelar på Selje Idrettspark laurdag kl.15.00 i seriekamp 6.div. mot Sæbø. Kampen er flytta frå grasbana på Åheim p.g.a dei store nedbørsmengdene dei siste dagane.   

Selje IL, Fotball arrangerer "Sikringskurs i bil", for trenarar/leiarar/seniorspelarar/andre, fredag 7.sept. kl. 18.00 på Selje skule. Dette skjer i samarbeid med Trafikkstasjonen på N.eid, og er ei oppfølgjing av klubbens tiltaksplan for trafikk-trygging (sjå under). 

P.g.a kollisjon med andre arrangement har vi måtta utsette fotballskulen to gonger. "Alle gode ting er tre", heiter det! Selje IL inviterer no til Tine-fotballskule fredag 21.sept. og laurdag 22.sept.

Påmeldingsfrist er sett til torsdag 13.sept. "Først til mølla....."

Invitasjon Selje Tine-fotballskule 2007

Påmeldingsskjema Selje Tine-fotballskule 2007

Selje tapte 4-1 mot Hornindal, etter 2-1 til heimelaget ved pause. Selje tapte mot eit hardtkjempande heimelag, og sleit med å få i gang spelet på den ujamne grasmatta.

Selje visste at dette ville bli ein vanskeleg kamp, mot eit heimelag i poengnaud, som har fått styrka laget siste tida. Når kampen i tillegg vert lagt til gamlebana som både er smal og ujamn, var det ikkje duka for finspel i denne kampen.

Horindal kom klart best i gong og skapte sjansar i starten. Berre etter 8 min vart det 1-0 til heimelaget. Selje kom etter kvart betre med. Endre Kupen drilla rundt med Hornindalsforsvaret og scora frå spiss vinkel i det 29.min. Men berre fire minutt seinare får ein Hornindalsspelar stjernetreff på direkten frå 16meteren, og ballen går inn heilt nede ved stolpen. Fortent leiing til heimelaget til pause.

Selje starta 2.omgang bra og tok tak i banespelet. Men Hornindal var frampå med farlege kontringar etter lange oppspel mot spissane. Seljekeeper Tom-Øyvind måtte ut i full strekk etter 50min. og fekk slått til corner. Etter 66min ny 100% sjanse til heimelaget, Tom-Øyvind stoppa skotet frå ein Hornindalspelar som kjem åleine mot keeper. Men berre minuttet seinare er det klart for 3-1. Markeringssvikt i Seljeforsvaret, og heimelaget får ein lett jobb å putte ballen i mål etter innlegg mot bakerste stolpe. 4-1 til Hornindal kom etter 76min. , eit skot blir redda, men keeper gjev retur som blir putta i mål.

Selje hadde ballen mest i 2.omgang og prøvde å få i gang spelet, utan å lukkast heilt. Selje hadde nokre store sjansar og burde fått utteljing. Men det ville seg ikkje. Hornindal forsvarte seg godt, Selje sleit i duellspelet. Heimelaget var farleg frampå fleire gonger, som oftast etter lange oppspel, og vann til slutt ein fortent siger. 

På ein dag då fleire var under pari på Selje, gjorde Kennet Honningsvåg og Runar Aarsheim ein god kamp på midtbana.  Selje er framleis med i tetkampen i 4.divisjon, og møter Sandane på heimebane neste søndag.....

Seljes lag: Tom-Øyvind Solheim, Gaute Otnes, Espen Nøstdal, Andre Kupen, Martin Hove, Kennet Honningsvåg, Runar Aarsheim, Kristoffer Hove, Runar Nøstdal, Ole Andreas Solheim, Endre Kupen.

Benytta reservar: Henrik Aarsheim

Andre reservar: Anders D. Rekdal, Ruben Riksfjord

Selje starta kampen best, og berre etter 10 min spel var det klart for 1-0, etter heading frå kaptein Kristoffer Hove. Selje hadde dei fleste sjansane utover omgangen. Bortelaget kom til eit par farlege avslutningar, men keeper Tom-Øyvind Solheim rydda opp. Selje fekk det ikkje heilt til, og det var berre i periodar at spelet glei skikkeleg.

Selje starta best også i 2.omgang. Det skulle gå berre 4 min før Werner Kupen banka inn 2-0 til heimelaget. Askv./Holmedal hadde også nokre store målsjansar utover omgangen, men enten gjekk ballen på feil side av stanga eller vart plukka ned av Seljekeeper Tom-Øyvind Solheim som hadde ein svært solid kamp mellom stengene.

3-0 kom i det 65 min. Endre Kupen dribla og drog seg laus på 16 meteren, og skaut via keeper i stanga og i mål. Same mann la på til 4-0 i 89 min. med eit godt skot frå utanfor 16meteren. Målet kom etter eit av mange fine Seljeangrep. 

Selje var best og vann til slutt klart. Selje viser i periodar at laget har mange gode spelarar, og det er flott å sjå kor godt dei unge spelarane har teke nivået og utvikla seg vidare denne sesongen. Blanda med dei rutinerte spelarane er dette ein god miks. Askv./Holmedal har hatt ein bra haustsesong, og det var slett ingen lett kamp. Det hadde ikkje vore ufortent om også bortelaget hadde pynta på resultatet.

Seljetrenar Idar Taklo var fornøgd med resultatet: "Vi vinn klart på ein dag der vi presterer under pari. Vi startar bra i begge omgangar, men kvaliteten utover omgangane blir ujamn. Men vi produserte trass alt mange sjansar, og det er gledeleg at vi har stengt igjen bakover." (Og det har trenaren heilt rett i, for målforskjellen er imponerande 13-1 på dei tre siste kampane!)

 Seljes lag: Tom-Øyvind Solheim, Martin Hove, Espen Nøstdal, Jon-Aage Riksfjord, Gaute Otnes, Kennet Honningsvåg, Ole Andreas Solheim, Kristoffer Hove, Frode Nøstdal, Endre Kupen, Werner Kupen.

Benytta reservar: Anders D. Rekdal, Ruben Riksfjord

Dagens Seljespelar (kåra av jury): Espen Nøstdal

I morgon kl.13.00 er det klart for nok ein spennande kamp på Selje Idrettspark. Motstandar er Askvoll/Holmedal. Dette blir ein spennande kamp.

Forrige møte med Askvoll/Holmedal i vår endte med 3 - 1 siger i vårt favør. Dette blir nok ein tett kamp og vi tek på ingen måte lett på denne kampen. Møt opp på stadion og hei oss fram til nye poeng.

Heia Selje!

Werner var tilbake i sitt gamle ess i går med 2skoringar.

Selje tok sin andre siger på rad i går, då Lærdal vart slått 4 - 1 på Lærdal Stadion. Dermed har vi fått ein god start på haustsesongen.

Laurdag reiste "gutta på tur" til Lærdal. Guttane var fullt motiverte og klare for å ta med seg alle poenga heimatt i maxitaxien.

Som venta er Lærdal eit tøft lag å møte. Med bra duelstyrke og engasjement.

Kampen starta på best mogeleg måte for vår del. Etter allerede 4.minutt la Gaute ei perfekt pasning til Werner på eit av sine mange raid oppover på si høgre side. Ballen sette Werner kontant i mål.

Etter 12.minutt vart de igjen likt, etter litt klabb og babb inne i feltet var Martin uheldig å sette ballen i eige mål.

Kampen derifrå og ut til pause bølga kampen mykje att og fram, vi kom til fleire store sjansar men de ville seg ikkje framfor mål for Selje sin del.

I pausen var de ein meget entusiastisk gjeng i garderoba. Alle var spenn klare for at her skulle vi ikkje miste iniativet i kampen og bare trykke på for skoring.

Og det gjekk ikkje lenge før den fyrste skoringa kom. Den kom på ei kjempe kontring etter ein Lærdal dødball, og der framme var Werner og satt inn sitt 2.mål for dagen.

Omlag 6.minutt etter var det klart for nok ei ny skoring for Selje. På innlegg går ballen igjennom feltet og der er nok ein Kupen, denne gangen Ken Olav, dermed 1 - 3.

Etter denne skoringa pressa begge lag på og Lærdal kom til fleire farlege sjansar, men heldigvis vart sjansane redda av Tom-Øyvind eller så gjekk avslutninga utanfor.

Vi var farleg frampå mange gangar i denne perioden. I de 86.minutt blir Werner felt innanfor 16-meteren og dermed straffe. Som vanleg satte Gaute denne sikkert i mål bak Lærdals-keeperen.

Dette var fantastisk artig, igjen ein utruleg sterk lagsiger, og eg registrerar at gutta virkelig er i form for tida. Vi jobbar bra kollektivt, og er solide frå keeper og heile linja opp. Dette er verkeleg kjekt med tanke på fortsettelsen. I tillegg så manglar vi 5-6potensielle startere til denne kampen også, guttane gjorde ein super jobb, seier "coach" Idar Taklo om kampen.

Startoppstilling:

                          Tom-Øyvind Solheim

Gaute Otnes    Espen Nøstdal    Martin Hove    Henrik Aarsheim

                          Ole Andreas Solheim

               Runar Aarsheim         Kristoffer Hove(cpt.)