19.04: Det er vårgrønt i Selje!

Tredje dag sidan montering av nytt kunstgras starta har også gått veldig bra. Utpå dagen betra veret seg slik som vi håpa på og arbeidet er i rute. Det er berre å bøye seg i støvet for den fantastiske dugnadsinnsatsen som har vore sidan rehabiliteringa av bana starta. Arbeidet har pågått sidan kl.8.00 i dag tidleg, og i kveld vert det arbeida i flomlys framimot midnatt. I morgon ettermiddag håpar vi å vere komt så langt at sand blir lagt ut. Dersom opphaldsveret varer ved, kan bana vere ferdig i løpet av søndag. Aldri før har det blitt så fort vårgrønt i Selje!