12.09: Årdal 2-Selje 6-1

Etter flott 3-0 seier mot Eikefjord forrige helg, var det håp om ny poengfangst i Årdal. Men slik gjekk det ikkje då Selje møtte Årdal sine nest beste. Einaste Seljeseier i vårsesongen, kom nettopp mot Årdal 2. Men på heimebane har Årdal 2 gjort sine saker bra og har fleire seiarar.

Selje hadde fyrste store sjansen i kampen då Joachim Refvik var åleine gjennom etter 1 minutt, men skotet gjekk på keeper. Selje hadde også nokre andre gode sjansar men fekk ikkje mål før kvilen. Det gjorde derimot Årdal 2 som kunne gå til pause med 3-0 leiing.

Trenar Idar Taklo meinte at tapet var i største laget etter spel og sjansar, men at Årdal 2 vann fortent. "Vi hadde nokre store sjansar til å score men vi sleit igjen med utteljinga. Vi sleit også med å få til spelet på ei våt og glatt grasmatte. Vi bestemte oss i pausen for å gå hardt ut og få redusering for å få spenning i kampen igjen. Det lukkast vi med og vi reduserte til 1-3 etter 54min spel. Espen Nøstdal slo eit hardt frispark mot mål som gjekk inn via ein forsvarar. 

Etter ein god Seljeperiode med mykje bra spel, vart det Årdal 2 som auka til 4-1. Då gjekk "lufta litt ut av ballongen" og når så både Martin Hove og Andreas Teigen måtte ut, hadde vi lite å stille opp med. I dag laga vi to sjølvmål og sette ikkje eigne sjansar. Så det vart til slutt ein klar Årdal-seier", seier Taklo.

Seljes lag: Tom-Øyvind Solheim, Andreas Teigen (Alexander Hove frå 80min), Martin Hove (Anders Rekdal frå 76min), Espen Nøstdal, Alexander Corneliussen, Kristoffer Hove, Severin Rokne, Rikard Rekdal, Aleksander Kvernevik, Joachim Refvik, Alexander Bickel.