04.08: 3 - 0 tap mot Dale

Selje reiste tomhendte heim frå Dale fredags kveld.

Etter ein veldig god start, burde vi minst ha skora 2mål før 10minutt var godt. Vi brente i starten 3stk 100% sjansar. Blant anna var Trond Hamre aleine med keeper, som måtte gje retur på skuddet frå Trond, på den etterfølgjande sjansen skaut Kenneth Pedersen over mål.

Dei fyrste 20minutta av kampen styrte vi, men etter kvart kom Dale meir og meir med. Dale er veldig gode på dødballar, spesielt dei lange innkasta som skapte mange farlege situasjonar inne i vår egen 16-meter.

Etter 43.min skorte Dales, Gaute Lundeland. Rett etter på var Mads Ludvig Kapstad frampå og auka Dale si leiing til 2-0.

I pausen var vi fullt bestemte på at det var mogeleg å komme inn i kampen igjen. Desverre var ikkje dette dagen vår. Og det byrjar å knipe seg til i botnen av tabellen.

Rett før trenar Ola Hove skulle til å bytte inn Roger Hamre og Arne Refsnes skora Dale igjen ved Are Gunnar Korsvoll, og dermed var kampen punktert.

Vi heng ikkje med haude av denne grunn, det er berre å sjå framover og trene godt.

Humøret og trua er viktig å halde på, og vi skal no trene godt utover veka og forbrede oss best mogeleg til fredagens kamp mot Stryn.

Kampfakta:

Dale - Selje 3-0 (2-0)

Dingemoen stadion, 190 tilskodarar

Mål:

1-0 43 min. Gaute Lundeland

2-0 45 min. Mads Ludvig Kapstad

3-0 70 min. Are Gunnar Korsvoll

Innbytte på Selje:

Werner Kupen, Arne Refsnes og Roger Hamre.